Inuussutissarsiornermi siunnersorti

Suliatigut unammillernartunut nutaanut kiisalu misigisassarsiornissanut nutaanut piareersimaguit, taava suliffimmik pissanganartumik piareersimasuuteqarpugut.
GrønlandsBANKEN-ip Inuussutissarsiornermut immikkoortortaa Nuummi qullersaqarfimmiittoq suli annertuumik ineriartorfiuvoq.

Taamaattumik Inuussutissarsiornermi siunnersortimik ujaasivugut, inuussutissarsiornermi siunnersuinermik naleqalersitsisumik sullitat naligalugit tunniussisinnaasumik.

Illit ujartorpatsigit, sullitanut immikkut ittumik misigisaqartitsinermik kajumisusseqalertartoq.

Isumaqaratta, siunnersortip aamma sullitap akornanni ataqatigiinneq suleqatigiinnermut naleqalersitsisumut tunngaviusoq.

Sulinermi iluatsittarputit aaqqissuussamik siunnersuinermut, tunisinermut aamma sullissinermut suliatigut pikkoriffeqarnikkut, inuussutissarsiornermi sullitatsinnut naleqalersitsinermik anguniagaqarlutit sulinikkut.

Makku suliarisassavatit: 

• Suliffeqarfiit annerusut, akunnattumik angissusillit aamma minnerusut sullitatit siunnersorlugillu ineriartortillugit
• Ujartuilluni tuniniaanermut peqataaneq aamma sammisanik nutaanik aallartisaaneq
• Najukkami inuussutissarsiornermi ineriartortitsinermik pisariillisaaneq, aningaaserivik inuiaqatigiinni suliaqartuummat qitiusoq
• Ullormi nammineq sulininnut annertuumik sunniuteqarlutit

Naatsorsuutigaarput, illit: 

• Aningaaserinermik ilinniagaqartutit, HD-qaruit pitsaassaaq.
• Siunnersuinermik aamma inuussutissarsiornermi sulianik suliaqarnermik misilittagaqarluartutit.
• Inuussutissarsiornermi siunnersortitut misilittagaqanngikkuit, kisianni piginnaasatit ineriartortinnissaannut anguniagaqaruit, ineriartorfissatut atorfik aamma periarfissaavoq.
• Aaqqiissutit pitsaanerpaat ataatsimoorluni pilersinneqartartut upperigit. 
• Annertuumik namminersorsinnaasusseqartutit aamma akisussaaffeqartutit. 
• Ineriartornermik pilersitsineq kajumissaatigisarit.

Neqeroorutigaarput:

• Aningaaserivimmi qajannaatsumi atorfik pilerinartoq akissarsiarissaarfiusorlu, inuttut suliatigullu ineriartornissamut periarfissaqarluartoq.
• Suleqatit pitsaalluinnartut 15-it, nuannaartut, ataqatigiilluartut, sammisaqarluartut aamma pitsaasunik angusaqartartut.

Inuussutissarsiornermi pisortaq toqqaannartumik qullersarissavat.

GrønlandsBANKEN suliffeqarfiuvoq pingaartorsiorfiunngitsoq, pingaartitatsinni sisamani aallaaveqartoq;
tunniusimaneq – peqqissaarneq – sullitanut pingaartitsineq aamma ineriartornermut pingaartitsineq.

Atugassarititat:

Atorfinitsitsineq Sulisitsisut aamma Finansforbundet akornanni isumaqatigiissut naapertorlugu pissaaq.
Aningaaserivik malittarisassat Namminersorlutik Oqartussanit aalajangersarneqarsimasut naapertorlugit inissamik atukkiissaaq.
Atorfininnermi atugassarititaasut allat, matuma ataani angalaneq, pisattat assartornerat malittarisassat atuuttut naapertorlugit atuupput.
Ukiuni ikinnerpaamik 3-ni atorfeqartitsinissaq anguniarneqarpoq. Atorfininneq sapinngisamik piaarnerpaamik pissasoq kissaatigineqarpoq.

Atorfik pillugu apeqqutit Inuussutissarsiornermi pisortamut Søren Stenberg saaffiginnissutigineqarsinnaapput.

Apeqqutit nalinginnaanerusut pillugit HR-imi pisortaq, Patricia Lund Olsen saaffigineqarsinnaavoq.

Tusarfiginissat qilanaaraarput