Akiliisitsiniarnermi siunnersorti

Inuinnarnut inuussutissarsiortunullu akiliisitsiniarnermi siunnersortitut misilittagalimmik pikkorissumillu ujaasivugut, isumagissaarluni nutaanik sammisaqarusulluni tamakkiisumik isiginnissinnaasoq – aamma nukinginnartoqartillugu.

GrønlandsBANKENimi taarsigassarsinermut immikkoortortaqarfianni ilaatigut akiliisitsiniarnermi suliat annerit qullersaqarfimmut siulersuisunullu saqqummiussassat pitsaassusai isumannaartarpai. Immikkoortortaqarfimmi sulisut pimoorussisut allat peqatigalugit aningaaserivimmi akiliisitsiniarnerit naleqquttumik, niuertorpalaartumik naammaginartumillu ingerlatsinerat qularnaarneranut peqataassaatit.

Akiliisitsiniarnermi siunnersortitut akisussaaffigisatit:

• Taarsigassarsinermi immikkoortortaqarfimmiittut allat peqatigalugit misissueqqissaarnerit nalunaarusiallu qullersaqarfimmut/siulersuisunut piareersarlugit kiisalu pingaarnertut inuussutissarsiornermut immikkoortortaqarfik siunersiueqatigalugu

• Taarsigassarsiniarnermut qinnuteqaatit pingaarnertut inuussutissarsiornermut immikkoortortaqarfimmeersut nammineq akuersissutigalugit

• Ersersaanerit ajorsaatillit sanngiiinnerillu suussusersillugit

• Akiliisitsiniarnermi sammisamut tuniniaavimmut ineriartortitsineq, taakkualu ilagalugit ad-hock-imi suliassat

Takorloorparput imaassasutit:

• Nammineq ingerlalluarsinnaasutit suliniarsinnaasuusutillu

• Misissueqqissaarsinnaasutit ilusilersukkamillu suliaqarsinnaasutit

• Aningaaserivimmut attuumassutilimmik pitsaasumik ilinniagaqartutit, aamma/imaluunniit ingerlaqqiffiusumik ilinniagaqartutit ass. HD (R)/(F)

Neqeroorutigaarput:

Kalaallit Nunaanni suliffeqarfik pitsaanerpaami atorfik pilerinartoq akissarissaartorlu, inuttut suliffiullu tungaatigut ineriartornissamut periarfissagissaartoq. Atorfik Nuummi akiliisitsiniartarfiup immikkoortortaqarfianiippoq pimoorussiffiusumi, namminerlu ulloq suliffiit sunniuteqarfigissavat.

GrønlandsBANKENi suliffeqarfiuvoq inussiarnerpalaartumik oqaloqatigiffiusoq, naleqartitanut aallavilik:

pimoorussineq, peqqissaarneq, sullitanut sammisoq kiisalu ineriartornissamut sammisoq. 

Piumasaqaatit:
Grønlands Erhverv aamma Finansforbundet isumaqatigiissutaat malillugu atorfinitsitsineq ingerlassaaq.
Atorfinitsitsinermi patsisissaatitat ukununnga tunngasut ini, angalaneq, atorfininnermi pequtit assartorneqarnerat malittarisassat atuuttut najoqqutarineqassapput.
Minnerpaamik ukiut 3 atorfik inuttaqarnissaa anguniarneqarpoq. Piaarnerpaamik atorfinitsitserusuppugut. 

Atorfik pillugu paasissutissat amerlanerit uunga paasiniarneqarsinnaapput Thomas Lenschau Andersen.

Nalinginnaanerusunillu apeqquteqarnerit uunga ingerlanneqassapput HR-imi pisortaq Patricia Lund Olsen.

Tusarfiginissat qilanaaraarput!