Suliffeqarfimmi siunnersorti

Niuernermi siunnersorti suliamik aqutsinermik misilittagalik

Nutaanik ineriartortitseqataallutit nuannaraajuk? GrønlandsBANKEN-imi niuernermi siunnersortitut aningaaseriviup nioqqutaanik, suleriaatsitsinnik ineriartortitseqataassaatit sunniutaalu inuiaqatigiinni takussavatit.

Suliassatit pingaarnerpaat tassaassapput suliniutinik ingerlatsineq. Immikkoortortaqarfimmi suleqatitit suleqatigalugit nioqqutissat, najoqqutassat aamma atortussat ineriartortissavatit, ataavartissavatit atulersittassallugillu. Tamatumani aningaaseriviup Kalaallit Nunaannut iluaqutaanissaa pillugu takorluugaa tapersersorniarlugu. Ullunik marlinnik, assigiittoqanngilaq. Tamanna isumaqarpoq, pingaarnersiukkat suliassallu allanngupallassinnaanerannik. Ulluinnaat aamma saniatigut suliassanik imaqartassapput. Taamaattumik pingaarluinnarpoq, ataatsimut isiginnissinnaanermik kiisalu aaqqissuussamik sulisinnaaninnik piginnaasaqarnissat.

Suliassatit pingaarnerit tassaasinnaapput:

• Suliniutinik aqutsineq, nioqqutit, najoqqutassat imaluunniit atortussat nutaat imaluunniit pioreersut aningaaseriviup sulisuinut aamma sullitaanut ukkataralugit
• Aningaaseriviup systemiini, BEC-imit pilersorneqartuni tulluarsaanermut allannguutinullu tunngatillugu ikiuineq/ ingerlatsinikkut suliaqarneq
• Aningaaseriviup niuernermi ingerlatseriaasiini tulluarsaanermut allannguutinullu tunngatillugu allaffissornikkut ingerlatsinermik aqutsineq
• Nioqqutinut, atortussanut aamma najoqqutassanut ineriartortitatsinnut sunniuteqartunik inatsisinik attuumassuteqartunik paasinninneq atuinerlu
• Aningaaserivimmi suliat pillugit ilisimasanik, teknologiimik il.il. attuumassuteqartunik malinnaaneq

Illit pillutit:

• Paasiuminaatsut pulaffigisinnaavatit, allanullu paasiuminarsarlugit
• Pitsaasumik eqqarsartariaaseqarputit, nutaaliortuullutit aamma teknologiit nutaat alapernaatsuuatit kiisalu periarfissanik takunnillaqqissuullutit
• Suleqatigiuminartuuvutit

Assigiinngitsunik arlalinnik tunuliaqutaqarsinnaavutit. Assersuutigalugu imaassinnaavoq:

• Aningaaserinermi ilinniagaqarsimasutit pisortaqarfimmilu suliffimmit sivisunerusumik misilittagaqarlutit imaluunniit
• Aningaasaqarnerup, inatsisilerinerup imaluunniit inuiaqatigiilerinerup iluani akademiskimik ilinniagaqartutit imaluunniit
• Suliniummik aqutsisutut attuumassuteqartumik allatut misilittagaqartutit

Uagut pilluta

Niuernermik ineriartortitsinermut immikkoortortap pingaarnertut suliassaraa, aningaaseriviup systemiisa ullutsinnut malinnaanissaat kiisalu sullitanit suleqatinillu atorneqarnissaat qulakkiissallugu. Niuernikkut erseqqissaanermik qulakkeerinninnermut, najoqqutassanik suleqatigiinnernillu ataavartitsinermut aamma misissuinernik kiisalu suliniutinik unammillersinnaasunik ineriartortitsinermut peqataaneq isumagisarpagut. Suliatigut piginnaasagut qaffasissuupput, suliassanullu arlalinnut piumasaqaataavoq immikkoortortap iluani avataanilu suleqatigisanik kiisalu aningaaseriviup avataani suleqatigisaanik qanimut suleqateqarnissaq. Taamaaliortarpugut aaqqissuussamik ukkataqarnikkut kiisalu suliniutinik aqutsinermik aamma atulersitsinermik annertuumik misilittagaqarnikkut. Ataatsimut oqariartaaseraarput, saqqummiussagut nutaat tamarmik annertunerpaamik suleqatitsinnut ”oqilisaataassasut”, sullitatsinnut iluaqutaasussamik.

Atugassarititat

Atorfik pilerinartoq inuttut suliatigullu ineriartornissamut periarfissaqarluartoq neqeroorutigaarput. Atorfininneq pissaaq Grønlands Erhverv aamma Finansforbundet akornanni isumaqatigiissut naapertorlugu. Namminersorlutik Oqartussat malittarisassat atuuttut aalajangersagai naapertorlugit aningaaserivik inissamik atukkiissaaq. Atorfininnermi atugassarititat allat, matuma ataani angalaneq aamma pequtinik assartuineq malittarisassat atuuttut naapertorlugit pissaaq. Sivikinnerpaamik ukiuni 3-ni atorfeqarnissaq anguniarneqarpoq. Atorfininneq sapinngisamik piaarnerpaamik pissasoq kissaatigineqarpoq. Oqaloqatiginninnerit ingerlaavartumik ingerlanneqassapput.

Paasisaqarnerorusukkuit attavigisinnaavatit:

Atorfiup imarisaanut tunngasut pillugit: Ineriartortitsinermut pisortaq Ellen Lerch Høj, +299 58 74 58

Atorfininnermut tunngasut pillugit: HR-imi pisortaq Patricia Lund Olsen, +299 34 78 04 
Qinnuteqaatit mailikkut tiguneq ajorpagut.

Tusarfiginissat qilanaaraarput