Atuisunut siunnersorti

Nuummi GrønlandsBANKEN-imi sullitanut inuinnarnut siunnersorti

Atorfik pilerinarluinnartoq siunnersortitut suliffimmi pissanganartumi, Kalaallit Nunaanni aningaaserivinni siuttuusumi siunnersuisutut piginnaasannik aallartisaanissannut periarfissiisoq. Maani illoqarfimmi nunamilu sukkasuumik ineriartortumi inuunermi misigisaqarsinnaavutit.

GrønlandsBANKEN sullitanut inuinnarnut siunnersortissamik piginnaasalimmik ujaasivoq, aningaasaqarnikkut aaqqiissutinik ninngusuunik pilersitsinikkut aamma siunnersuinermik pitsaanerpaamik tunniussinermik kajumissuseqalersartumik. Suleqataalluartoq, suleqatigiinnut nuannaarnermik, qiimanermik nukissamillu tuniseqataasartoq.

Sullitanut inuinnarnut siunnersortitut sulinermi angusaqarluassaatit

• Sullitannut siunnersuinikkut aaqqiissutinillu pilersitsinikkut, Kalaallit Nunaanni sullitat pitsaanerpaamik misigisaqartinnissaat pillugu aningaaseriviup anguniagaanut tapersersuillutit
• Siunnersuinikkut piginnaasannik atuinikkut aamma misilittakkavit atornerisigut, ataatsimut isiginnilluni siunnersuineq eqqarsaatigalugu, matuma ataani illumut aningaasaliineq pillugu siunnersuinermi, tulliuttutullu aningaasaliineq aamma soraarnerussutisiat pillugit siunnersuinermi
• Eqeersimaartuunikkut, sullitannut aaqqiissutinik pilerinartunik periarfissanillu pilersiteqataasassaatit, siunnersuinerit iliuuseqarnitillu tunngavigalugit. Matumani nuannaartuunerit qiimasuunerillu atorlugit, suleqatigiinnut aamma ataqatigiinnermi atugarissaarnermut ineriartornermullu tapersiisarnikkut

Suliassatit

Suliassat pingaarneq tassaassaaq siunnersuineq kiisalu nammineq sullitavit ineriartornerinut akisussaaffeqarneq, tamatumani sullitat misigisai annertuumik ukkataralugit. Immikkoortumi sullitat pissanganartut siunnersortariallillu ilaat sullitarissavatit, tamanna immikkut tamakkiisumik isiginnilluni siunnersuinermik kiisalu illusinissaq aamma illumut aningaasalersuinissaq pillugu siunnersuinermik imaqarpoq.

Suliatigut nukittuumik tunngaveqarputit, sullitanullu attaveqarneq aamma siunnersuineq nuannaralugu, tassani nammineq sullitavit ineriartortinnissaannut suliniarnerpit saniatigut, aamma siunnersortit tamarmik siunnersuinermi iluatsinnissaannut kiisalu sullitanut sammisunik suliniuteqarnermut taperseerusupputit. Taamaattumik aamma ilinnut nalinginnaasuuvoq akisussaaqataaneq, kiisalu suleqatigiit nukittunerulernissaannut pitsaanerulernissaannullu peqataaneq.

Pisariaqartitatit anguniakkatillu illit aqutsisuillu akornanni ingerlaavartumik oqaloqatigiittarnermi pingaaruteqarput. Aningaaserivimmi siunnersortitut atorfiit pilerinarnerpaat ilaanni inissilluarnissannut angorusupparput.

GrønlandsBANKEN

GrønlandsBANKEN aningaasaqarneq pillugu suliaqarfimmi Kalaallit Nunaanni innuttaasunut tamanut siunnersuinikkut sullissinikkullu naliusumik pilersitsisarpoq. Aningaaserivik niuerfimmi siuttuuvoq kiisalu inuiaqatigiinni pingaarutilimmik inissisimalluni, kiisalu suliniutini arlalippassuarni inuiaqatigiinnut, ataqatigiinnermut, silap pissusianut il.il. pitsaasumik sunniuteqartunut peqataavoq – Kalaallit Nunaannut iluaqutaasumik. GrønlandsBANKEN pillugu uani paasisaqarnerugit.

Aningaaseriviup qullersaqarfiani siunnersortit 24-usut suleqatigilissavatit. Kulturimut tunngaviuvoq tatigeqatigiinneq aamma allanngueqataasinnaaneq, aningaaseriviup pingaartitai aallaavigilluinnarlugit – pimoorussineq - peqqissaarneq - sullitanut sammisoq kiisalu ineriartornissamut sammisoq.

Kalaallit Nunaat paasissutissallu allat

Kalaallit Nunaat nunaavoq alutornartoq. Imaannaanngitsuunera, pinngortitaq, periarfissat kulturilu. Kalaallit Nunaat aamma ineriartulertorpoq, ilaatigut mittarfinnik nutaanik sanaartortoqarpoq, Nuuk aamma Danmarkip akornanni toqqaannartumik timmisartumik atassuteqalersitsisussanik – 2024-p naaneranit.

Atorfininneq pissappat, Grønlands Erhverv aamma Finansforbundet akornanni isumaqatigiissut naapertorlugu tamanna pissaaq. Aningaaserivik inissamik atukkiisinnaavoq, Namminersorlutik Oqartussat inatsisit aalajangersagai naapertorlugit ineqarnermut akiliiffigisagassamik. Atorfininnermi atugarisat allat, matuma ataani angalaneq aamma pequtinik assartuineq malittarisassat atuuttut naapertorlugit pissapput.

Oqaloqatigiissaagut?

Second Opinon Recruitment GrønlandsBANKEN-imi atorfinitsitsinissamut suliaq suliaraa. Kalaallit Nunaat, Kalaallit Nunaanni pissutsit aamma GrønlandsBANKEN annertuumik ilisimasaqarfigaagut Kalaallit Nunaannilu aamma Nuummi GrønlandsBANKEN-imi suut naatsorsuutigisinnaaneritit pillugit oqaluttuarfigerusuppatsigit.

Taamaattumik attavigiuk piginneqataasoq, Jørn Ræbild, +45 61 66 76 00,  jr@secondopinionrecruitment.dk taamaanngippat CV aamma/imaluunniit qinnuteqaatit uatsinnut nassiussinnaavat. Qinnuteqartut aamma soqutiginnittut ingerlaavartumik oqaloqatigisassavagut, atorfimmullu tulluartumik nassaarutta atorfinitsitsissalluta.

Tusarfiginissat qilanaaraarput.