Atuisunut siunnersorti

Atuisunut siunnersorti – inuinnaat & aningaasaliineq GrønlandsBANKEN-imi Nuummi

Suliffissatut periarfissaq pilerinarluinnartoq, sullitanik inuinnarnik kiisalu aningaasaliinermi sullitanik siunnersuinermik suliaqarfissat. Pitsaasumik uummaarissumillu eqqarsartaatsit atorlugu, piginnaasatit nukittuffigisatit atorluarnissaannut periarfissaqassaatit, kiisalu Kalaallit Nunaanni aningaaserivinni siuttuusumi naleqarnermik pilersitsillutit kiisalu illit immikkoortortaqarfiullu sullitaanut atuisutut misigisanik immikkuullarissunik pilersitsissallutit.

Atorfik marloqinnut avitaavoq, aningaaseriviullu aningaasaliisarnikkut aamma inuinnarnik sullitaanut siunnersuinermut akisussaasuussaatit. Matumani aningaaseriviup sullitaanut arlalinnut, aningaasaliisarnerup iluani ullumikkut aktiviunngitsunut aamma/imaluunniit aningaaseriviup siunnersuineranik annikitsuinnarmik atuisunut aningaasaliinermi aaqqiissutinik ineriartortitseqqinnissamut akisussaasuussaatit.

Atorfimmi matumani angusaqarluassaatit

• Sullitannut siunnersuinikkut aaqqiissutinillu pilersitsinikkut, Kalaallit Nunaanni sullitat pitsaanerpaamik misigisaqartinnissaat pillugu aningaaseriviup anguniagaanut tapersersuillutit
• Siunnersuinikkut piginnaasannik atuinikkut aamma misilittakkavit atornerisigut, ataatsimut isiginnilluni siunnersuineq eqqarsaatigalugu aamma pingaartumik aningaasaliinermut tunngasunik siunnersuinermi
• Iliuuseqarnitit aallaavigalugit sullitannut, aamma aningaasaliinermi sullitanut ’nutaanut’ aaqqiissutinik periarfissanillu pilersitsinikkut tapersiinermi
• Nuannaartuunerit qiimasuunerillu atorlugit, suleqatigiinnut aamma ataqatigiinnermi atugarissaarnermut ineriartornermullu tapersiisarnikkut

Illit pillutit …

Aningaasaqarnikkut aaqqiissutinik ninngusuunik pilersitsineq aamma siunnersuinermik, pingaartumik aningaasaliisarneq eqqarsaatigalugu pitsaanerpaamik tunniussineq kajumissuseqalersarputit. Nalimik pilersitsisumik siunnersuisarputit aamma sullitavit amerliartortinnissaanut akisussaaffimmik tigusisuullutit. Suliatigut nukittuumik tunngaveqarputit, tamatumani ilaapput aningaasaliineq pillugu misilittakkatit aamma ilisimasatit sullitassavit iluaqutigilluarsinnaasaat.

Aningaasaliineq pineqartillugu, aamma taperseerusupputit, suleqativit akornanni ilisimasat nukittorsarnissaannut siunnersuinissamut, ataatsimeeqatigiinnernut il.il.

GrønlandsBANKEN

GrønlandsBANKEN aningaasaqarneq pillugu suliaqarfimmi Kalaallit Nunaanni innuttaasunut tamanut siunnersuinikkut sullissinikkullu naliusumik pilersitsisarpoq. Aningaaserivik niuerfimmi siuttuuvoq kiisalu inuiaqatigiinni pingaarutilimmik inissisimalluni, kiisalu suliniutini arlalippassuarni inuiaqatigiinnut, ataqatigiinnermut, silap pissusianut il.il. pitsaasumik sunniuteqartunut peqataavoq – Kalaallit Nunaannut iluaqutaasumik. GrønlandsBANKEN pillugu uani paasisaqarnerugit.

Immikkut ilisimasallit suleqatigiit 5-iusut suleqatigilissavatit, taakku aningaasaliisarneq aamma/imaluunniit soraarnerussutisiassat pillugit suliaqartuupput. Kulturimut tunngaviuvoq tatigeqatigiinneq aamma allanngueqataasinnaaneq, aningaaseriviup pingaartitai aallaavigilluinnarlugit – pimoorussineq - peqqissaarneq - sullitanut sammisoq kiisalu ineriartornissamut sammisoq.

Kalaallit Nunaat paasissutissallu allat

Kalaallit Nunaat nunaavoq alutornartoq. Angissutsiminik, pieriarfissaminik piorsarsimassutsiminillu. Aammattaaq Kalaallit Nunaat ineriartorpoq ilaatigut nutaamik mittarfiliornikkut, Kalaallit Nunaanniit toqqaannaq Qallunaat Nunaannukartoqarsinnaalerluni. 

Atorfininneq pissappat, Grønlands Erhverv aamma Finansforbundet akornanni isumaqatigiissut naapertorlugu tamanna pissaaq. Aningaaserivik inissamik atukkiisinnaavoq, Namminersorlutik Oqartussat inatsisit aalajangersagai naapertorlugit ineqarnermut akiliiffigisagassamik. Atorfininnermi atugarisat allat, matuma ataani angalaneq aamma pequtinik assartuineq malittarisassat atuuttut naapertorlugit pissapput.

Oqaloqatigiissaagut?

Second Opinon Recruitment GrønlandsBANKEN-imi atorfinitsitsinissamut suliaq suliaraa. Kalaallit Nunaat, Kalaallit Nunaanni pissutsit aamma GrønlandsBANKEN annertuumik ilisimasaqarfigaagut Kalaallit Nunaannilu aamma Nuummi GrønlandsBANKEN-imi suut naatsorsuutigisinnaaneritit pillugit oqaluttuarfigerusuppatsigit.

Taamaattumik attavigiuk piginneqataasoq, Jørn Ræbild, +45 61 66 76 00, taamaanngippat CV aamma/imaluunniit qinnuteqaatit uatsinnut nassiussinnaavat.
Qinnuteqartut aamma soqutiginnittut ingerlaavartumik oqaloqatigisassavagut, atorfimmullu tulluartumik nassaarutta atorfinitsitsissalluta.

Kunderådgiver – privat & investering til GrønlandsBANKEN i Nuuk - Second Opinion Recruitment

Tusarfiginissat qilanaaraarput.