Datateqarfimmi pisortaq

GrønlandsBANKEN Paasissutissanik aamma Aarlerinaatinik misissuinermut Pisortassarsiorpoq

Paasissutissanik aamma Aarlerinaatinik misissuinermut immikkoortortatsinni aqutsisumik pikkorissumik suliassanik eqeersimaartumik suliarinnittartumik ujaasivoq. Atorfik aningaaserivimmi Aarlerinaatinik isumaginninnermut Pisortap ataaniippoq.
Paasissutissat aningaaserivimmi tunngaviulluinnartuupput, aamma paasissutissanik misissuinernillu piumasaqaatinik naammassinnittunik pisariaqartitsineq malunnartumik annertusiartorpoq. Tamanna pivoq maleruagassanik malinnittussaaneq, niuernermi ilisimasaqarneq, aarlerinaatinik nalilersuineq allarpassuillu tunngavigalugit. Suleqatigiit nutaajupput, maannakkullu immikkoortumut namminersortumut, aallaqqaataaniilli eqqarsaatigineqareersumut allanngortinneqassallutik. Aningaaseriviup nutaaliamik paasissutissat silarsuaannik pilersitsinissaq kissaatigaa, tassani paasissutissat aningaaserivimmi tamarmi piussapput. Atorfik aamma taamaattumik nammineq inuttut ineriartornermut kiisalu suliassaqarfimmi aningaaseriviup ineriartornissaanut annertuumik sunniuteqassaaq.

GrønlandsBANKEN-ip BEC Financial Technologies atorpaa, tamanna aningaaseriviup IT-ata ilusilersugaanerata tunngavigaa kiisalu sorpassuartigut sinaakkusersuisuulluni.

Suleqatigiit tamatigoortut 4-ssaasi. Ilaatigut suleqatitit qanimut suleqatigalugit tulliuttut suliarisassavasi:

• Suliassaqarfimmik aaqqissuussamik ineriartortitsineq, tamatumani paasissutissat aningaaseriviup DNA-vitut pilernissai qulakkiissavasi
• Aalajangiinernik paasissutissanik ingerlanneqartunik pilersitsinermut peqataaneq, niuernermut tamarmut iluaqutaasumik
• Paasissutissanik programmerineermut, piareersaanermut, sananermut aamma takussutissiinermut eqeersimaartumik peqataaneq
• Paasissutissat pillugit suliassaqarfimmi malittarisassanik aamma uppernarsaatinik annertusaaneq, qulakkeerinninneq kiisalu ineriartortitsineq
• ilusiliat paasissutissanik ingerlanneqartut tunngavigalugit misissuinerit
• suliassaqarfimmi nammineq ineriartortitsinermi aningaaseriviup inatsisinik, malittarisassanik aamma najoqqutassanik malinninnerata qulakkeernera
•  

Takorloorparput illit:

• Kandidatitut ilinniarsimasutit ass. cand.merc, cand.oecon assigisaaluunniit
• Atorfimmi assigusumit sulinermi ukiuni arlalialunni misilittagaqartutit, aamma pitsaaqutaassaaq aningaaserinermik ingerlatsivik ilisimasaqarfigigukku
• Aqutsisuusutit nukittooq kiisalu aaqqissuussinermut pingaarnersiuinermullu pikkoriffeqartoq
• Attaveqatigiinnermik piginnaasaqarluartutit – soqutigisallillu arlallit akornanni ataqatigiissitsineq sungiusimagit
• Kisitsisinik paasisimasaqarluartutit kiisalu misissuinikkut ajornartorsiutinik aaqqiillaqqissuusutit
• Suliavit niuernertaa paasisimalluarit kiisalu niuernermi unammillernartut paasissutissani aaqqiissutinngorlugit nutsersinnaagitit
• Illit immikkoortullu suliassi pitsaassusaat qulakkeerniarlugu ukkataqartuusutit

Neqeroorutigaarput:

• Aningaaserivimmi qajannaatsumi ineriartorfiusumi atorfik pissanganartoq
• Suliassaqarfimmi inatsisitigut piumasaqaateqarneruleriartortumi kiisalu katitigaaleriartuaartumi suliassat unammillernartortallit
• Suliffik ammaffiusoq kiisalu persuarsiorfiunngitsoq, pingaartitatsinni aallaaveqarfiusoq: tunniusimaneq, peqqissaarneq, ineriartornermik pingaartitsineq aamma sullitanik pingaartitsineq
• Atorfininnermi atugassarititat aamma sulisutut iluaqutissat pilerinartut

Atorfininneq Grønlands Erhverv aamma Finansforbundet akornanni isumaqatigiissut naapertorlugu pissaaq. Aningaaserivik inissamik atukkiisinnaavoq, tassunga Namminersorlutik Oqartussat inatsisaat naapertorlugit ineqarnermut akiliisoqartassaaq. Atorfininnermi atugassarititat allat, matuma ataani angalaneq aamma pequtinik assartuineq inatsisit atuuttut naapertorlugit pissapput.

Atorfiup piuaartumik inuttalernissaa kissaatigaarput, ingerlaavartumillu oqaloqatiginninnerit ingerlatissavagut.

Qinnuteqaatit aamma apeqqutit nalinginnaanerusut pillugit uunga saaffiginneqquneqarputit Aarlerinaatinik isumaginninnermut pisortaq Mads Andersen. 
Atorfik pillugu paasisaqarnerorusukkuit, ukununnga attaveqarnissamut tikilluaqqusaavutit Aningaasaqarnermi pisortaq Jesper Hansen imaluunniit Akiliisitsiniartarfimmi pisortaq Thomas L. Andersen.