Pisortaqarfimmi sullissisussaq

GrønlandsBANKEN Pisortaaneqarfiup allattoqarfianut allaffissornikkut pisortaaneqarfimmi allatsimik sullissilluartumik ujaasivoq

GrønlandsBANKEN-imi Pisortaaneqarfiup allattoqarfiani pisortaaneqarfimmi allatsitut Pisortaaneqarfiup allattoqarfianut pisortaq qullersaralugu, aningaaseriviup siulersuisuinut aamma pisortaaneqarfianut atatillugit suliassanik assigiinngitsorpassuarnik ikiuutaasassaatit. Tamatuma saniatigut immikkoortortaqarfiup aqutsisoqatigiit aamma suliffeqarfimmi tamarmi sulisut kiisalu avataanit soqutigisaqartut allat suleqatigalugit suliassat assigiinngitsorpassuit suliarisarpai. Tamanna isumaqarpoq, suliassat assigiinngitsut, aningaaserivimmi aaqqissuussamik periaaseqarnikkullu naammassineqartussat iserfigissagitit, taamaattumillu aamma piumasaqaataavoq, ammasuuneq aamma nipangiussisimasussaatitaaneq oqimaaqatigiississinnaagitit.

Suliassavit ilaatigut ilagaat:

• Ataatsimiititaliat aamma siulersuisut ataatsimiinnerinut atatillugu, aammali ulluinnarni Pisortaaneqarfiup allattoqarfiani suliassanik isumaginninneq ataqatigiissaarinerlu
• Sammisanik assigiinngitsunik aamma pisortat aamma siulersuisut angalanerinik pilersaarusiorneq
• Ulluinnarni pisortanik sullissineq kiisalu suliffeqarfimmi aamma GrønlandsBANKEN-ip avataani soqutigisaqaqatigiinnit suliassatigut apeqquteqaatinik isumaginninneq
• Ataatsimiititaliat aamma siulersuisut ataatsimiinnerinik malittareqqiinermik isumaginninneq, matuma ataani ataatsimiinnermi imaqarnilianik suliaqarneq

Atorfimmi iluatsissaguit:

• Inussiarnersuussaatit sullisserusuttuullutillu
• Ullutit assigiinngitsuusut ajorissanngilat
• Suliassat qaffasissumik pitsaassuseqartillugit tunniunnissaannut ataqqinnissaatit
• Namminersorlutit aaqqissuussamillu sulisinnaassaatit

Kissaatigaarput illit:

• Attuumassuteqartumik ilinniagaqartutit, bacheloritut imaluunniit qaffasinnerusumik aamma/imaluunniit atorfimmit assigusumit misilittagaqartutit
• Allattariarsornikkut oqalunnikkullu danskisut qaffasissumik oqaasertaliisinnaasutit – aamma tuluttut pitsaassaaq
• Suliassanik suliarinninnermi nikerartumik suliaqarsinnaasutit, ullut ilaat allanit ulapaarfiunerusarput

Neqeroorutigaarput:

Kalaallit Nunaanni suliffeqarfinni pitsaanerpaami atorfik pilerinartoq akissarsiarissaarfiusorlu, inuttut suliatigullu ineriartornissamut periarfissarissaarfiusoq. Atorfik Nuummi inissisimavoq, tassani Pisortaaneqarfimmi allattoqarfimmi pisortaq peqatigalugu, aningaaseriviup pisortaa siulersuisuilu sullitissavatit, aammali suliffeqarfiup iluani avataanilu soqutigisaqaqatigiit allat ataqatigiissaareqatigisassavatit.

GrønlandsBANKEN suliffeqarfiuvoq pingaartorsiorfiunngitsoq, pingaartitatsinni sisamani aallaaveqartoq; tunniusimaneq, peqqissaartuuneq, sullitanik pingaartitsineq aamma ineriartornermik pingaartitsineq

Paasissutissat:

Atorfinitsitsineq Grønlands Erhverv aamma Finansforbundet akornanni isumaqatigiissut naapertorlugu pissaaq. Aningaaserivik inissamik atukkiisinnaavoq, Namminersorlutik Oqartussanit malittarisassat aalajangersarneqartut atuuttut naapertorlugit. Atorfininnermi atugassarititaasut allat, matuma ataani angalaneq aamma pisattat assartorneqarnerat malittarisassat atuuttut malillugit pissapput. Minnerpaamik ukiuni 3-ni atorfeqarnerup sivisussuseqarnissaa anguniarneqarpoq. Sapinngisamik piaarnerpaamik atorfinittoqarnissaa kissaatigineqarpoq.

Oqaloqatiginninnerit ingerlaavartumik ingerlanneqassapput.

Pisortaaneqarfimmi allatsitut atorfik pillugu apeqqutissaqaruit Pisortaaneqarfiup allattoqarfiani pisortaq Betina Præstiin saaffigiuk.

Apeqqutit nalinginnaanerusut pillugit saaffigiuk HR-imi pisortaq Patricia Lund Olsen.

Tusarfiginissat qilanaaraarput!