Nammineq illuutinik nalinersuinermi immikkut ilisimasalik

immikkut ilisimasalik

GrønlandsBANKEN nalilersuinermi immikkut ilisimasalimmik piginnaasaqarluartumik ujaasivoq, sullitat inuinnaat aningaasaliinissaannik annertunerpaamik, illumik, pisineruppat, ilassutitut taarsigassarsineruppat imaluunniit sullitat illuisa nalingisa ineriartorneranik ingerlaavartumik nutarsaaneruppat nalilersuinermik suliaqarusuttumik.

Atorfik pilersinneqaqqammerpoq, Taarsigassarsinermut Immikkoortortami, suleqatinik pikkorissunik arfiniliusunik sulisoqareersumi suleqataalissaatit.

Nalilersuinermi immikkut ilisimasalittut atorfimmi ingerlalluassaatit illit

• Inissianik nalilersuinermi piareersimallutit aamma aaqqissuussamik suleriaaseqartutit.
• Aningaaserivimmi sullitat, inuinnarnut siunnersortit, nioqquteqartut, aqutsisut aamma aningaaserivimmi taarsigassarsinermut immikkoortortamik suleqateqarnermut atatillugu suliassanik arlalinnik ataatsikkut ingerlataqarsinnaaneq pikkoriffigigit.
• Nalilersuisarnermik suliaqarnermi pikkorissuusutit, aamma IT-kkut piginnaasaqarluartuusutit, tassani nammineq illuutinik nalilersuinermik misilittagaqarneq annertuumik iluaqutaassaaq.
• Sullitanut sullissilluartuusutit attaveqateqallaqqittuusutillu, suleqatinut aamma avammut.
• Nuannaarnerit qiimasuunerillu atorlugu suleqatinnut, ataqatigiinnermut aamma immikkoortortami atugarissaarnermut tunniussaqartartutit
• Nikerartumik namminersorlutillu atugaqarlutit sulineq nuannarigit, tassani annertunerpaatigut ulluinnaat nammineq aaqqissortarlugit anguniakkatillu ilisimagitit.

Suliassat

Suliassat pingaarneq tassaavoq aningaaserivimmi sullitat inuinnaat illuinik, allamik piginnittoqalernerani assigisaanilu nalilersuineq.

Tamatuma saniatigut sullitat inuinnaat illui paasisimasalimmik minnerpaamik ukiut pingasukkaarlugit nalilersorneqartassapput, pisuni amerlanerpaani allaffissornikkut naliliinikkut, illuutinik assersuussinnaasanik attuumassuteqartunik peqartut.

Aningaaserivimmi inuinnarnik sullissinermi taarsigassarsinermi immikkut ilisimasalinnik, inuinnarnut sullissisunik aamma suliffeqarfiup iluani arlalinnik siunersiueqateqarlutillu suleqateqassaatit, soorlu realkredit pillugu suliassaqarfimmi aningaaseriviup suleqatigisartagai ineriartoqatigissagitit siunersiueqatigisarlugillu.

Aamma illoqarfinni immikkoortortaqarfinni allani aningaaserivimmi sulisut suleqatigalugillu siunersiueqatigisassavatit, tamatumani siunersuinikkut ineriartortitsinikkullu, siunnersortit ikiortassavatit qaffasissumik pitsaassusilimmik suliatigullu pitsaasumik naliliinernik naammassinninnissaannut.

Aammattaaq aningaaseriviup inuussutissarsiornermi nalilersuinermi immikkut ilisimasaqartua qanimut oqaloqatigisassavat, aamma suleqatigiinnertaqartumik immaqalu nalilersuinermik sulianik akunnissinni paarlattarsinnaallusi.

Tunuliaqutat

Suleqammik immikkullu ilisimasalimmik ujartuivugut, suliatigut nukittuumik tunngaveqartumik, ass. Aningaaserinermik ilinniagalik/illuutinik tuniniaasartoq/aningaaserinermi økonom assigisaaluunniit. 

Atugassarititaasut

Atorfinitsitsineq Grønlands Erhverv aamma Finansforbundet akornanni isumaqatigiissut naapertorlugu pissaaq. Aningaaserivik inissamik atukkiussisinnaavoq Kalaallit Nunaanni Namminersorlutik Oqartussat aalajangersagaannik malittarisassat malillugit ineqarnermut akiliuteqarfiusartussamik. Atorfininnermi atugassarititaasut allat, matuma ataani angalaneq aamma pisattanik assartuineq malittarisassat atuuttut naapertorlugit pissapput.

Tusarfiginissat qilanaaraarput.